2006/10/04
原來世界上真係有「心有靈犀」呢家0野。
話說前晚沖沖下涼，突然忽發奇想，諗下不如寫番一個「最愛電影系列」0丫，估唔到第二日就接0左呢個tag。
既然被人tag 0左先，咁遲0的先寫0個個乜鬼電影系列啦。
1.你今年最常去哪一間戲院睇戲？
JP，舒服好坐，而且皇室堡轉了UA手，所以唔想支持。
2.你最喜歡哪一位導演？
好難揀，洛比桑同岩井俊二都好鍾意，但又唔係部部戲都Buy。
3.你最喜歡哪一位演員？
周星馳，雖然好寸，但佢真係香港電影史上0既奇葩。
4.今年哪一齣電影最令你驚喜？
《Closer》(誘心人)，睇完個心真係0翕住0架。
5.今年哪一齣電影最令你失望？
《無極》一句講晒︰都唔知做緊乜？有張東健同真田廣之兩大型男都救唔番！
6.你有沒有試過睇戲睇到喊？
成日都睇到流眼淚，我份人感性嘛。
7.你會不會一個人去睇戲？
always
8.你最近看了哪一齣電影？
《穿 Prada 的惡魔》
9.你最想哪一位去世導演復活再拍戲?
張徹，但唔好再拍武俠片，佢拍時裝片其實都好得下。
10.您最鍾意哪一套外語電影？
《情書》，不二之選。
11.您最喜歡哪個國家的電影？
總之好睇就鍾意啦！
12.您最喜歡哪首電影主題曲？
我最鍾意買soundtrack，首首都鍾意，好難揀，不過，論電影配樂，久石讓真係大師級人馬，首首經典！
13.你最珍惜的 VCD or DVD 電影收藏是那套 ?
買親返屋企都珍惜！
14.The worst movie that you have seen....
好認同滴滴金老母講0既《嫁個有錢人》同《我要做 model》，但當年坐戲院第二行睇0既《死亡習作》都係畢生難忘。
15.如果俾你揀一套戲拍續集，你會揀?
《國產凌凌漆》，想見佢再次出動，但唔好再拍成好似《功夫》咁，只係畀外國人睇。
16.你覺得自己最似邊套戲的人物？
Bridget Jones，又肥又嫁唔出。
17. 翻看最多次的電影是哪一部？
我鍾意0既戲都會係咁番睇，但睇得最多可能係《國產凌凌漆》，如果唔係點識背0的對白呢？
18.如果有一個演員可以「從此消失不再拍戲」，你會揀邊個？
谷德昭(導演)，好似好多人都認同。
(附加問題)19.如果畀你改寫一套戲0既結局，你會改邊套？
--------------------------------------------------------------------
講電影呢家0野，梗係要搵d 藝術成份好高0既blogger 接tag 啦！不過問題都幾多下，如果唔得閒接我都唔會介意。
1.如果你不小心被人tag中，請在自己的blog內開一篇新的，回答所有問題 －－ 包括那條附加問題。
2.然後你需要想一條附加問題，一定要和電影有關，但你自己不用回答這條問題。
3.最後你開始 tag 人，你可以一個人都唔 tag，又可以 tag 晒全世界。但謹記，唔好 tag 返那個 tag 你的人。
4.如果若干日後你又被人 tag，便可以美其名曰“A circle of friends”了。而你需要回答之前沒有答過的問題，但請不要再 tag 任何人，因為已經大團圓結局了。
